EXITUS

Copertina la mia anima flegrea

E X I T U S

 

Nu rilorgio senza corda
s’è fermato…nun cammina.
Senza viento, sott”o sole
nu vuzzillo â parte ‘o ssicco
sta avutato sottencoppa
nterr’â rena.

 

Puzza ‘e sale!
Speretacchie e cuzzechelle
scamazzate a rriva ‘e mare
e nu cane sta durmenno
cu chest’afa…comme fa?

 

Na puttana me fa segno
C’hê passato?

—  Viene ‘a cà —

Io schifato torno arèto
senza manco m’avutà.

 

Ncopp”e peràte c’aggio fatto
torno arèto sott”o sole
chillu cane dorme ancora
forse nun se sceta chiù.

 

C’abbafuogno!
Stu silenzio ‘un ‘o supporto.

 

Sta mufeteca salata
trase fino a dinto a l’ossa.
Pure ‘o mare s’è stagnato.

 

Commenti chiusi