Tutto Cagna

Eppure stongo cà miez’ a sta via

vita e materia can un se cunsumma

…e tutto è sempe stato tale e  quale

pure stu cielo ca s’è fatto ‘e chiummo

né ‘o nniente se pò dicere vacante

E nun esiste ‘o nniente

si rieste fermo o scinne sempe nfunno

o t’addimanno ‘a solita domanda

chi sì? Pecché? Ma quando?

Songo domande inutile

ma ij m’ ‘e ffaccio sempe

te fanno sentì buono

te fanno stà presente

Pecché ‘n cè stato ‘o pprimma

né ‘o doppo ce starrà

e nuje ca ‘o dimannammo

nuje simmo ‘a vertità

Nuje simmo ‘a verità ma tutto cagna

e tutto resta sempe tale e quale

si pienze ‘e turnà a nascere…  pe nu cagnà.

 

 

Commenti chiusi