FELICITÀ

Copertina 4 x Napoli

FELICITÀ


Sta ‘e casa dint’ â casa d”a paura

ma ‘a truove dint’ô mare annascunnuto

oppure dinte a l’uocchie ‘e na criatura

ca ride o chiagne sulo pe pazzià.


Felicità. Si ‘a cirche nun ‘a truove

si l’he truvata nun te ne sì accorto

sta là a purtata ‘e mano appesa ô chiuove

quanno tu ‘a vuò piglià se nzerra ‘a porta.


Io pure ‘a cerco, comm’a nu pezzente

a ccosere ‘e pparole cu ‘e pparole

p”e strate e sta città mmiez’ a sta gente

ca more a ppoco a ppoco e se cunzola.

 

Commenti chiusi