‘A MARUZZELLA

Copertina 'E suonne mariuole

‘A MARUZZELLA

 

Saglie saglie ‘a maruzzella

cu sta casa a turtiglione

sciulia ncopp’a sputazzella

nfaccie a n’albero ‘e limone.

 

Lascia ‘a reto na viarella

ch’è azzeccosa e ch’è filante

fatta ‘e tanta scummetella

chiù lucenta d”e brillante.

 

Tira e allonga ‘a curnicella,

guarda attuorno cu attenzione,

po annasconne ‘a capuzzella

e po doppo torn’a ascì.

 

Na jurnata sana sana

pe saglì sta maruzzella:

chianu chiano,

chianu chiano

po s’addorme sott’ê stelle.

Commenti chiusi